எனக்கு ஒரு வேலை கிடைத்தது....
குழந்தைகளுக்கான உலகத்தைப்
படைப்பவன் வேலை...
வேலை எளிதாகத் தான் இருந்தது...
பெரிதாக ஒன்றும் இல்லை...
வீட்டுக்கு வெளியில் ஒரு பூச்சாண்டி,
கண்ணைக் குத்த ஒரு உம்மாச்சி ,
சாப்பிடாவிட்டால் வந்து கடிக்க ஒரு பல்லிப் பூச்சி,
தோ தோ, மியாவ், ஆனை, ஆட்டோ
எல்லாவற்றையும் படைத்து விட்டு
வந்து அமர்ந்தேன்...
குழந்தை திடீரென்று
அஜ்ஜிபிக்கா வேணும் அஜ்ஜிபிக்கா வேணும்
என்று அழ ஆரம்பித்தது...
அஜ்ஜிபிக்காவை
எப்படிப் படைப்பது
என்று -
சத்தியமாகத்
தெரியவில்லை எனக்கு....
~சமுத்ரா
No comments:
Post a Comment